გადაცემათა კოლოფის დანიშნულებაა შეცვალოს ძრავიდან წამოსული ბრუნვების სიხშირე, განახორციელოს უკუსვლა, ხანგრძლივად გათიშოს ერთმანეთისაგან ძრავი და ტრანსმისია საჭიროების შემთხვევაში. გადაცემათა კოლოფი წარმოადგენს კბილანათა წყვილების ერთობლიობას, რომელთა საშუალებით მიიღწევა სასურველი სიმძლავრის შერჩევა. გადაცემათა კოლოფში ჩასხმულია სატრანსმისიო ზეთი.

 

     გადაცემათა კოლოფი გადართვის მექანიზმის მიხედვით შეიძლება იყოს მექანიკური, ავტომატური და კომბინირებული(ტიპტრონიკი). მექანიკური გადაცემათა კოლოფის შემთხვევაში გადაცემებს ცვლის მძღოლი. ავტომატურ კოლოფში გადაცემები იცვლება მძღოლისაგან დამოუკიდებლად ელექტრონული ბლოკის დახმარებით.  ტიპტრონიკი ისეთი კოლოფია, რომელშიც გადაცემები შეიძლება შეიცვალოს როგორც ავტომატურად, ასევე მძღოლის მიერ.